Layang-layang tabang malayang
hinggok di rantiang si kayu jati
sungguah elok urang sumbayang
mukonyo janiah hatinyo suci
Siapo maninggakan sinan luhua
berangnyo tuhan tibo ba ansua
mandapek siksa di dalam kubua
dagiang jo tulang hancua malulua.
Sia maninggakan sinan ashar
karano anggan ataupun engkar
paneh di kubua sangek mambaka
tiado tampek untuuak mahinda
Sia maninggakan sinan maghrib
tanah di kubua alah mangapik
mayik manangih manjarik-jarik
batambah lamo batambah sakik
Sia maninggakan sinan isya
karano digaduah setan jo hawa
sagalo rajaki kita terima
alun di timbang alah di tanyo
Sia maninggakan sinan subuh
karano anggan mangikuti suruah
taraso sakik saluruh tubuh
dagiang jo tulang hancua maluluah
Sia maninggakan kalimonyo
berang tuhan tiado tahinggo
diam dibumi indak ka iyo
carilah bumi jo tuhan lain padonyo. bersambung.....!
Tidak ada komentar:
Posting Komentar